ڪراچي (اسٽاف رپورٽر) پ پ اڳواڻ جميل سومري چيو آهي ته چڱا ڀلا آمر سنڌ ٽوڙي نه سگهيا، هاڻي هي بڪ بڪ بند ٿيڻ گهرجي. سنڌ اسيمبلي ۾ نون صوبن ۽ انتظامي يونٽن بابت رٿ تي اڱاري ڏينهن به بحث جاري رهيو. اجلاس ۾ خطاب ڪندي پ پ ايم پي اي جميل سومري چيو ته انتظامي يونٽن تي ڪو اعتراض ناهي، ڀلي ٺاهيو، ڪراچي ۾ هڪ ميئر بدران 4 ميئر هجڻ گهرجن.هن وڌيڪ چيو ته قومپرست آئيني ۽ جمهوري دائري ۾ جدوجهد ڪري رهيا آهن، جي ايم سيد کي بغاوت تي مجبور ڪرڻ وارا ڪير هئا؟
