لاهور(ويب ڊيسڪ) پي ٽي آءِ جي اڳوڻي اڳواڻ ۽ اڳوڻي وفاقي وزير اسد عمر چيو آهي ته عمران خان جي شموليت کانسواءِ نون صوبن جو تصور به نٿو ڪري سگهجي.لاهور ۾ ميڊيا سان ڳالهائيندي اسد عمر چيو ته صوبن جي قيام بابت سڀني اسيمبلين ۾ بحث ٿيڻ گهرجي ۽ باني پي ٽي آءِ کي به صوبن جي قيام ۾ شامل ڪيو وڃي. باني جي شموليت کانسواءِ نون صوبن جو تصور به نٿو ڪري سگهجي.هن چيو ته جيڪڏهن انصاف جو نظام صحيح هجي ها ته باني کي جلد ئي رليف ملي ها، حڪومت پي ٽي آءِ کي پوئتي ڌڪي ڇڏيو آهي.اسد عمر چيو ته پنجاب حڪومت هارين سان سٺو سلوڪ نه ڪيو آهي، ان کي استعيفيٰ ڏيڻ گهرجي، پنجاب حڪومت هارين کان معافي وٺڻ گهرجي.
