دبئي (ويب ڊيسڪ) ايران خلاف جنگ جي معاملي تي آمريڪا ۽ اسرائيل جي وچ ۾ سفارتي اڳڀرائي جي اميدن تي عالمي منڊي ۾ تيل جون قيمتون هڪ هفتي کان وڌيڪ عرصي ۾ پنهنجي گهٽ ترين سطح تي اچي ويون.رائٽرز جي مطابق، سيڙپڪار سعودي عرب کان تيل جي فراهمي جي جزوي بحالي ۽ حوثين جي مسلسل حملن جي ڪري صورتحال جو جائزو وٺي رهيا آهن.برينٽ خام تيل جي قيمت 2.16 ڊالر گهٽجي 101.71 ڊالر في بيرل ٿي وئي.آمريڪي ويسٽ ٽيڪساس انٽرميڊيٽ خام تيل جي قيمت 2.15 ڊالر گهٽجي 98.15 ڊالر في بيرل ٿي وئي.ڪي سي ايم ٽريڊ جي چيف مارڪيٽ تجزيه نگار ٽم واٽر جي مطابق، آمريڪا ۽ ايران جي وچ ۾ جنگ ۾ ڇڪتاڻ کي گهٽائڻ لاءِ هن هفتي سفارتي ڪاميابي جي اميد تي تيل جي قيمتن ۾ ڪجهه خطري جي پريميئم کي گهٽايو ويو آهي.
