اسلام آباد (بيورو رپورٽ) پي ٽي آءِ چيئرمين عمران خان چيو آهي ته ارشد شريف کي ملڪ ڇڏڻ جو مشورو ڏنو آهي، جيڪڏهن ان معاملي تي کيس گهرايو ويو ته سمورا تفصيل سامهون آڻيندس.هڪ اخبار کي ڏنل انٽرويو ۾ عمران خان چيو ته اسلام آباد طرف لانگ مارچ پرامن هوندو ۽ جڏهن مارچ اسلام آباد پهچندو ته انگ اکر ٻڌائيندو ته پاڪستاني جلد چونڊون چاهين ٿا،هن چيو ته مون ارشد شريف کي ملڪ ڇڏڻ جو مشورو ڏنو، جيڪڏهن کيس ڪنهن به فورم تي دعوت ڏني وئي ته سمورو تفصيل آڻيندس.اڳوڻي وزيراعظم جو چوڻ هو ته سياسي حڪومتون تبديل ڪرڻ وارا پنهنجي اداري ۾ حڪومتون تبديل ڪرڻ نه ڏيندا، ٻي صورت ۾ عوامي مينڊيٽ جي اهميت هميشه لاءِ ختم ٿي ويندي.فيصل واوڊا جي پريس ڪانفرنس تي ردعمل ڏيندي عمران خان چيو ته غير معمولي جنگين ۾ پيادا پنهنجي ڪلاڪن کان وڌيڪ ڪم ڪندا آهن.
