لاهور(ويب ڊيسڪ)پي ٽي آءِ اڳواڻ فواد چوڌري چيو آهي ته ن ليگ کي پنهنجي شڪست قبول ڪري اقتدار کان ڌار ٿيڻ گهرجي، سياسي پارٽيون ايندڙ چونڊن جي فريم ورڪ تي ڳالهيون شروع ڪن. سماجي رابطن واري ويب سائيٽ ٽوئيٽر تي پنهنجي بيان ۾ اڳوڻي وفاقي وزير چيو ته پاڪستان وڌيڪ سياسي عدم استحڪام جو متحمل نٿو ٿي سگهي.هن چيو ته ذميواري جو احساس ڪرڻو پوندو، زرداري سياست جا ڏينهن ختم ٿي ويا آهن، عوام غير اخلاقي سياست کي رد ڪري ٿو.
