اسلام آباد(بيورو)وفاقي گهرو وزير راڻا ثناءُ الله چيو آهي ته (ن) ليگ کي طاقت ذريعي حڪومت ۾ نه آندو ويو، اتحادين جي درخواست تي اقتدار سنڀاليو.ڳالهائيندي راڻا ثناءُ الله چيو ته پي ٽي آءِ وارا پروپيگنڊا ڪري رهيا آهن، ميان جليل شرقپوري ۽ ميان رياض الدين 10، 10 ڪروڙن ۾ وڪرو ٿي ويا.هن چيو ته جيڪڏهن مون کي سپريم ڪورٽ ۾ گهرايو وڃي ها ته سندن ڪوڙ بي نقاب ڪريان ها، هي ڪوڙا آهن ۽ سندن ڪم پروپئگنڊا ڪرڻ آهي، هي پارٽي ڪوڙن ۽ فراڊن جو جٿو آهي.گهرو وزير چيو ته (ن) ليگ کي طاقت ذريعي حڪومت ۾ نه آندو ويو، اتحادين جي درخواست تي اسان اقتدار سنڀاليو.
