صالح پٽ (ن س) ڳوٺ دولت شاھ ۾ گھرو تڪرار تان 25 ورھين جي عورت سينگار شمباڻي زھريلي دوا پي خودڪشي ڪري ڇڏي. ناري جي وارثن الزام هنيو آهي ته عورت کي سس سھري ۽ مڙس زھر ڏئي قتل ڪيو آھي. جڏهن ته ڳوٺ آرڪور ۾ 3 مھينا اڳ پيار جو پرڻو ڪندڙ20 ورھين جي ناري جنت خاصخيلي زھريلي دوا پي خودڪشي ڪري ڇڏي، پاڙي ۾ ناري کي مڙس ڪريمداد خاصخيلي پاران قتل ڪرڻ جا چوٻول به هلي رهيا آهن. پوليس ٻنھي نارين جا لاش روھڙي اسپتال مان پوسٽ مارٽم ڪرائڻ لا۽ اماڻي ڇڏيا.
