لنڊن(مانيٽرنگ ڊيسڪ) پ پ چيئرمين بلاول ڀٽو زرداري چيو اهي ته پاڪستان ۾ هن وقت هڪ اهڙي نظام جي ضرورت آهي جتي غير جمهوري حڪومت اقتدار ۾ نه اچي سگهي بلاول ڀٽو زرداري پنهنجي هڪ پيغام ۾ عمران خان پاران کنيل قدمن تي ڳالهائيندي چيو ته عمران خان پاڪستان جي آئين کي باهه ڏني آهي پر اسان ان جي بغاوت کي منهن ڏيڻ لاءِ تيار آهيون هن چيوت ه اسان عمران خان جي حڪومت کان نجات حاصل ڪرڻ ۾ ڪامياب ٿي وياسين بلاول ڀٽو چيوت ه پاڪستان ۾ مضبوط نظام آڻڻ لاءِ اسان کي سڌارن جي ضرورت آهي هن چيو ته ڊپٽي اسپيڪر چيو اپوزيشن پرڏيهي ايجنڊي تي ڪم ڪري رهي آهي ۽ رٿ کي رد ڪري ڇڏيو جڏهن ته عمران خان جلد ئي قومي اسيمبلي کي تحليل ڪرڻ جي تجويز ڏني هن ٻڌايو ته ڊپٽي اسپيڪر ۽ عمران خان جا ٻئي قدم آئين جي ڀڃڪڙِ هئا ۽ شڪست کي تسليم ڪندي عمران خان جو آخري مايوس ڪندڙ عمل هڪ ٻي بغاوت هئي هن چيو ته ووٽ کي منهن ڏيڻ بدران ڊپٽي اسپيڪر پوري اپوزيشن تي الزام لڳايو پر ثبوت آهي ته آچر تي 342 مان 197 ميمبر اپوزيشن بئنچن تي آيا ۽ هاڻي سپريم ڪورٽ وٽ موقعو آهي تاريخ کي پنهنجو پاڻ کي ورجائڻ نه ڏي ڇو ته بي اعتمادي رٿ آئيني طريقو آهي بلاول ڀٽو واضح ڪيو ته عام چونڊن کان اڳ چونڊ سڌارا ڪنداسين ڇو ته ان سان اهڙو نظام آڻڻو آهي جيڪو صاف شفاف چونڊن جي اجازت ڏي ٿو.
