لنڊن(ويب ڊيسڪ)شهر جو ميئر پاڪستاني نزاد صادق خان بغير ڪنهن پروٽوڪول جي عاطف اسلم جي ڪنسرٽ ۾ پهتو. عاطف اسلم گڏيل عرب امارات (يو اي اي) ۾ ميوزڪ ڪنسرٽس ۾ پرفارم ڪرڻ کانپوءِ هلندڙ هفتي برطانيا پهتو، جتي هو لنڊن سميت ٻين شهرن ۾ پرفارم ڪرڻ وارو آهي. عاطف اسلم هن هفتي جي شروعات ۾ لنڊن ۾ ميوزڪ ڪنسرٽ جون تصويرون شيئر ڪيون. هاڻ عاطف اسلم جي ميوزڪ ڪنسرٽ جي هڪ وڊيو وائرل ٿي رهي آهي جنهن ۾ لنڊن جو ميئر صادق خان بغير پروٽوڪول جي عوام ۾ نظر اچي رهيو آهي.
