اسلام آباد (ويب ڊيسڪ) سپريم ڪورٽ 2010ع جي ٻوڏ کانپوءِ امدادي ڪمن لاءِ ملڪ ۾ آندل گاڏين جي ڪسٽم ڪليئرنس کان عالمي صحت جي اداري (ڊبليو ايڇ او) کي استثنيٰ نه ڏيڻ وارو اسلام آباد هاءِ ڪورٽ جو حڪم ڪالعدم قرار ڏئي ڇڏيو. سپريم ڪورٽ پنهنجي فيصلي ۾ چيو ته مختلف قانونن جي سفارتي ۽ رياستي استثنيٰ جي شقن جي دائري، حدن ۽ حد بندين تي وڌيڪ غور ڪرڻ جي ضرورت آهي. WHO اسلام آباد پاران ملٽي لاجسٽڪ سروسز راولپنڊي جي محمد انصار اقبال درخواست پنهنجي وڪيل چوڌري محمد اشرف گجر ذريعي داخل ڪئي هئي. پنهنجي فيصلي ۾ سپريم ڪورٽ چيو ته جيڪڏهن معاملي جو فيصلو عدالت کان ٻاهر ٿيو ته پوءِ رياستي سفارتي استثنيٰ جي معاملي تي فيصلو هڪ علمي مشق آهي.
