راولپنڊي (ويب ڊيسڪ) دهشتگردي ٽوڙ خصوصي عدالت عليمه خانم سميت 11 جوابدارن خلاف محفوظ ڪيل فيصلو چوٿون ڀيرو ملتوي ڪندي 26 نومبر تائين ٻڌڻي ملتوي ڪري ڇڏي.عليمه خانم جي وڪيل فيصل ملڪ جي اڳواڻيءَ ۾ قانوني ٽيم عدالت ۾ پيش ٿي، جڏهن ته پراسيڪيوشن ٽيم پڻ عدالت جي ڪمري ۾ موجود هئي. عليمه خانم جي وڪيل وڌيڪ دليل ڏيڻ جي اجازت لاءِ درخواست ڪئي هئي، جنهن تي عدالت محفوظ ڪيل فيصلو 26 نومبر تائين ملتوي ڪري ڇڏيو.
