پوليس جون ڏوهارين خلاف ڪارروايون ٽي ڄڻا گرفتار

مدئجي (ن سنڌ يار) مدئجي ۽ آسپاس جي علائقن ۾ وڌي ويل بدامني کي ٻنجو ڏيڻ لاءِ پوليس جون ڪارروايون، وارهه پل ڀرسان بروهي برادري جي گهرن تي چڙهائي، شڪ جي بنياد تي 3 ڳوٺاڻا گرفتار.مدئجي ۽ آسپاس جي علائقن ۾ چورين ۽ ڦرن جي وارداتن ۾ اضافو اچڻ بعد پوليس جاڳي پئي. ان سلسلي ۾ پوليس اٽالن ايس ايڇ او مدئجي جي اڳواڻي ۾ وارهه پل ڀرسان ويٺل بروهي برادري جي ڳوٺ گهر پنهنجا تي چڙھائي ڪري ڳوٺ کي ڪڙو چاڙهيو، جنهن دوران پوليس گهرن اندر سرچ آپريشن ڪندي گهرن ۾ ڀڃ ڊاهه ڪرڻ سان گڏ گهرن ۾ پيل کاڌي پيتي جو سامان ۽ لائسنس واري بندوق پڻ کڻي وئي.چڙهائي دوران پوليس شڪ جي بنياد تي 3 ڳوٺاڻن کي کنڀي کڻي وئي آھي، پوليس گرفتار ڪيل مير بروهي سميت 3 ڄڻن کي اڻڄاتل ھنڌ منتقل ڪري ڇڏيو آھي.ان سلسلي ۾ رابطو ڪرڻ تي مدئجي پوليس ٻڌايو ته مدئجي ۽ آسپاس جي علائقن ۾ بدامني وڌي وئي آھي، جنهن سبب ڏوهن ۾ ملوث ڏوهارين جي گرفتارين لاءِ چڙھائي ڪئي آھي، جنهن دوران شڪ جي بنياد تي ڪجھ گرفتاريون ڪيون آھن گرفتار ڪيلن جو رڪارڊ چيڪ ڪري بيگناھن کي آزاد ڪيو ويندو.

کیٹاگری میں : سنڌ

پهنجو تبصرو موڪليو