رياض (ويب ديسڪ) سعودي عرب جي وزارت داخله مرحليوار عمرو ادا ڪرڻ جي اجازت ڏئي ڇڏي آهي. 4 آڪٽوبر کان پهرين مرحلي ۾ سعودي شهرين ۽ سعودي ۾ رهندڙ غير وطني مسلمانن کي عمرو ادا ڪرڻ جي اجزت هوندي. 6 هزار ماڻهن کي اها سهولت ملندي. ٻيو مرحلو 18 آڪٽوبر ۽ ٽيون مرحلو پهرين نومبر کان شروع ٿيندو. سعودي حڪومت موجب چوٿين مرحلي ۾ سڀني کي معمول موجب اجازت هوندي جنهن جو اعلان ڪورونا وبا جي صورتحال کي نظر ۾ رکندي بعد ۾ ڪيو ويندو. ياد رهي ته هلندڙ سال مارچ ۾ سعودي اختيارين عمري تي پابندي هنئي هئي ۽ حج به محدو ڪيو هو.
