لنڊن(ويب ڊيسڪ) وزيراعظم شهباز شريف چيو آهي ته پاڪستان ۽ ڀارت وچ ۾ 4 جنگيون ٿيون، اربين ڊالر خرچ ٿيا، جنگين تي خرچ ٿيندڙ اربين ڊالر عوام جي ترقي ۽ خوشحالي تي خرچ ٿيڻ گهرجن.لنڊن ۾ اوورسيز پاڪستانيز فائونڊيشن جي تقريب کي خطاب ڪندي وزيراعظم چيو ته پاڪستان ۽ ڀارت هڪ ٻئي جا پاڙيسري آهن، اسان کي گڏجي رهڻو آهي.هن چيو ته هو ڀارت سان برابري جي بنياد تي ڳالهيون ڪرڻ چاهي ٿو، ۽ ڪشمير مسئلي کي حل ڪرڻ کانسواءِ پاڪ-ڀارت لاڳاپا قائم نٿا ٿي سگهن. پاڪستان ۽ ڀارت جي وچ ۾ جنگين تي خرچ ٿيندڙ اربين ڊالر عوام جي ترقي ۽ خوشحالي تي خرچ ٿيڻ گهرجن.هن چيو ته ڪشميرين جو رت ضايع نه ٿيڻ ڏنو ويندو.ان کان علاوه وزيراعظم اوورسيز پاڪستانين کي خراج تحسين پيش ڪندي نظم پڻ پڙهيا.
