ممبئي (ويب ڊيسڪ)مشهور ٽوئيلائيٽ فلم سيريز جي مداحن لاءِ خوشخبري آهي ته ڪتابي سيريز کي جلد ئي ٽي وي سيريز بڻايو ويندو پرڏيهي ميڊيا رپورٽن موجب اسٽيفني ميئر جي لکيل ڪتاب سيريز تي ٻڌل فلمن جي شاندار ڪاميابي کانپوءِ لائنس گيٽ ٽيليويزن ٽوئيلائيٽ فلم سيريز پيش ڪرڻ لاءِ ڪم شروع ڪري ڇڏيو آهي ميڊيا رپورٽن موجب اسٽيفني ميئر کي فلم سيريز لاءِ اسڪرپٽ لکڻ لاءِ رکيو ويندو، پر لائنس گيٽ جي ترجمان تبصرو ڪرڻ کان انڪار ڪري ڇڏيو.فلم سيريز The Twilight Saga (The Twilight Saga) سڄي دنيا ۾ 3.4 بلين ڊالر کان وڌيڪ ڪمايو سندس پهرين فلم ٽوئيلائيٽ 21 نومبر 2008ع تي رليز ٿي. ٻي فلم نيو مون 20 نومبر 2009ع تي، ٽين فلم ايڪليپس 30 جون 2010ع تي، چوٿين فلم بريڪنگ ڊان – پارٽ 1) 18 نومبر 2011ع تي ۽ پنجين فلم بريڪنگ ڊان – (پارٽ 2) 16 نومبر 2012ع تي رليز ٿي.ٻئي طرف اسٽيفني ميئر جو پهريون ناول ’ٽائيلائيٽ‘ 2005ع ۾ شايع ٿيو، جنهن کانپوءِ ’نيو مون‘، پوءِ ’ايڪلپس‘ ۽ پوءِ ’بريڪنگ ڊان‘ 2008ع تائين شايع ٿي انهن ڪتابن جون 100 ملين کان وڌيڪ ڪاپيون سڄي دنيا ۾ وڪرو ٿي چڪيون آهن.
