ڪراچي(اسٽاف رپورٽر)سنڌ جي سينيئر وزير شرجيل انعام ميمڻ 26هين آئيني ترميم کي پ پ چيئرمين بلاول ڀٽو زرداري جو دور انديش قدم قرار ڏئي ڇڏيو، سندس چوڻ آهي ته ارڙهين ترميم جيان 26هين آئيني ترميم پاڪستاني سياسي منظر نامي ۾ هڪ انقلابي قدم آهي، پ پ چيئرمين بلاول ڀٽو زرداري جي دور انديشي ساراهه جوڳي آهي. جاري ڪيل بيان ۾ شرجيل انعام ميمڻ چيو ته 26هين آئيني ترميم پ پ چيئرمين جي محنت ۽ ڪوششن سان ئي ممڪن ٿي، بلاول ڀٽو زرداري ملڪ کي هڪ روشن ۽ وڌيڪ برابري جي مستقبل طرف رهنمائي ڪرڻ ۾ اهم ڪردار ادا ڪيو آهي. سندس چوڻ هو ته پ پ چيئرمين جو قدم وڌيڪ برابري ۽ متحد پاڪستان کي هٿي ڏيندو، 26هين آئيني ترميم سان وفاق وڌيڪ مضبوط ۽ متحد ٿيندو، صوبن کي برابري جي نمائندگي ملندي. سنڌ جي سينيئر وزير شرجيل انعام ميمڻ چيو ته 26هين آئيني ترميم هڪ وڌيڪ گڏيل ۽ منصفاڻي معاشري جي تعمير ۾ مدد ڪندي جنهن سان سڄي قوم فائدو حاصل ڪندي، جمهوريت وڌيڪ مضبوط ٿيندي ۽ سمورين شهرين جي حقن جي ضمانت ڏني ويندي. هن چيو ته آئيني ترميم جو مقصد سمورن صوبن لاءِ بهتر نمائندگي کي يقيني بڻائڻ، جمهوريت ۽ انصاف جي نظام کي مضبوط ڪرڻ آهي، پ پ چيئرمين ملڪ کي هڪ روشن ۽ وڌيڪ برابري جي مستقبل طرف وٺي ويو آهي، جتي جمهوري ادارن خاص طور پارليامينٽ کي مضبوط ڪيو ويندو. سنڌ جي سينيئر وزير شرجيل انعام ميمڻ چيو ته انصاف جي نظام ۾ برابري جي نمائندگي بابت پراڻو مسئلو حل ٿي ويندو، جمهوريت وڌيڪ مضبوط ٿيندي
