وهاڙي (ويب ڊيسڪ)پاڪستان پيپلز پارٽي جي شريڪ چيئرمين ۽ اڳوڻي صدر آصف علي زرداري جو چوڻ آهي ته يو ٽرن وٺڻ عمران خان جي خاصيت آهي، ڪنهن به معاملي تي عمران خان کي گرفتار ڪرڻ گهرو وزير جو اختيار آهي، سنڌ ۾ آدمشماري تي اعتراض آهن. وهاري ۾ پريس ڪانفرنس کي خطاب ڪندي اڳوڻي صدر چيو ته هي سندس پهريون دورو آهي واڙي ضلعي جو، ذاتي لاڳاپا اڳ ۾ آهن، سياسي لاڳاپا وڌي رهيا آهن، اسان کي خبر هئي ته صورتحال ڪهڙي آهي، معيشت ڪيئن آهي پر ملڪ کي بچائڻو هو، عمران خان ملڪ جا سمورا ادارا وڪڻڻ چاهي ٿو، اقتدار ۾ اچي ملڪ بچايو.آصف زرداري چيو ته توهان سياسي پارٽين ۽ سياستدانن سان ڳالهائي سگهو ٿا، عمران خان غير سياسي ماڻهو آهي، توهان ان سان ڳالهائي نٿا سگهو.پيپلز پارٽي جي شريڪ چيئرمين چيو ته عمران خان عدالتن کي منهن ڏيڻ کان ڊڄندو آهي، سياستدانن کي نه عدالتن ۽ نه ئي جيلن جو خوف هجي آصف زرداري وڌيڪ چيو ته راجن پور جي اليڪشن پي ٽي آءِ مقبوليت بدران مهانگائي سبب کٽي.
