کڏڙو ( رپوٽ ثناءالله ٽالپر) ڳوٺ غلام محمد ڏاھري جي رھواسي پورھيت محمد بخش خاصخيلي جي 25 سالن جي گھرواري صغيران خاصخيلي گھرو اڻبڻت تان مڙس سان ناراض ٿي ٻن ٻارڙن 6 سالن جي نياڻي شبانا 5 سالن جي معصوم پٽ يامين سميت گھران نڪري نئين جمڙائو ڪئنال جي نئين پل آر ۔ ڊي 65 وٽ جمڙائو ڪئنال ۾ ٽپو ڏئي ڇڏيو ھو ۔ جمڙائو ڪئنال ۾ ٽپو ڏيندڙ عورت ۽ سندس ٻارڙن جي ڳولا لاء مقامي ٽوٻن ۽ ڳوٺاڻن پاران ڳولا تي ھٿ نه اچڻ تي تڪ جي ايم پي اي خليفو وريام فقير خاصخيلي پاران ٽوٻن جي ٽيم موڪلي وئي جڏھن ته اسسٽنٽ ڪمشنر سنجھورو ، مختيارڪار سنجھورو ۽ سياسي سماجي اڳواڻن پاران انساني ھمدردي طور پنھنجا ماڻھو آڻي لاشن جي صبح کان ڳولا ڪئي وئي جنھن تي 33 ڪلاڪن بعد 5 سالن جي يامين خاصخيلي جو جمڙائو ڪئنال جي آر ڊي 33 وٽان لاش ھٿ آيو بعد ۾ 17 ميل وٽ 6 ساله شبانه جو لاش ھٿ آيو بعد 14 ميل وٽ 25 ساله عورت صغيران جو لاش ھٿ آيو ۔ کڏڙو پوليس عورت جي وارثن سان گڏ نينگر يامين ، صغيران ۽ سندس ڌي جو لاش سول اسپتال سانگھڙ پھچايو ويو ۔ ميڊيا سان ڳالھائيندي ايس ايڇ او کڏڙو محمد علي زرداري چيو ته لاشن جي پوسٽ مارٽم بعد واقعي جي جاچ ڪئي ويندي ۔
