ڪراچي (اسٽاف رپورٽر) سنڌ حڪومت، پنجاب ۾ ڪڻڪ جو اگهه في مڻ 1800 رپيا مقرر ڪرڻ واري فيصلي کي آبادگار دشمن قرار ڏئي ڇڏيو، زراعت واري صوبائي وزير اسماعيل راهو چيو آهي ته ڪڻڪ جِي قيمت 2 هزار رپيا مقرر نه ٿيڻ تي ملڪ ۾ ٻيهر بحران ٿي سگهي ٿو، آبادگار اڳ ئي معاشي طور بدحالي جو شڪار ٿي ويا آهن، سنڌ حڪومت وفاق کي ڪڻڪ جو في مڻ 2 هزار رپيا مقرر ڪرڻ جِي سفارش ڪري چڪي آهي، پنجاب حڪومت جو 1800 رپيا في مڻ وارو فيصلو هارين سان دشمني آهي.
