لاهور (ويب ڊيسڪ) پاڪستان سپر ليگ (پي ايس ايل) 11 جي ٻئي ميچ ۾ ڪراچي ڪنگز ڪوئيٽا گليڊي ايٽرز کي 14 رنسن سان شڪست ڏني.ڪراچي ڪنگز مقرر 20 اوورن ۾ 7 وڪيٽن جي نقصان تي 181 رنسون ٺاهيون، معين علي 48 رنسن جي ناقابل شڪست اننگز کيڏي، جڏهن ته ڪپتان ڊيوڊ وارنر 35 ۽ مرزا سعد بيگ 30 رنسون ٺاهيون.احمد دانيال 3 وڪيٽون ورتيون، الزاري جوزف 2 وڪيٽون ورتيون، ابرار احمد ۽ عثمان طارق هڪ هڪ وڪيٽ ورتي.ان کان اڳ ڪوئيٽا گليڊي ايٽرز ٽاس کٽي فيلڊنگ جو فيصلو ڪيو هو.لاهور جي قذافي اسٽيڊيم ۾ کيڏيل ڪراچي ڪنگز ۽ ڪوئيٽا گليڊي ايٽرز جي وچ ۾ ميچ جي ٽاس لاءِ سعودي شڪيل ۽ ڊيوڊ وارنر ميدان ۾ آيا.ڪراچي ڪنگز جي پليئنگ اليون ۾ ڪپتان ڊيوڊ وارنر، محمد وسيم، سلمان آغا، سعد بيگ، معين علي، خوشدل شاهه، اعظم خان، شاهد عزيز، حسن علي، آدم زمپا ۽ مير حمزه شامل آهن.آسٽريليا جو مشهور ليگ اسپنر ايڊم زمپا پي ايس ايل ۾ پنهنجو ڊيبيو ڪري رهيو آهي.ڪوئيٽا گليڊيئيٽرز جي آخري اليون ۾ ڪپتان سعود شڪيل، شميل حسين، رائلي روسو، حسن نواز، خواجه نافي، بين ميڪڊرموٽ، ٽام ڪران، احمد دانيال، الزاري جوزف، ابرار احمد ۽ عثمان طارق شامل آهن.
