ڪراچي(اسٽاف رپورٽر)وفاقي حڪومت هلندڙ مالي سال 24-2023 جي بجيٽ ۾ اهم قانون متعارف ڪرائڻ جو فيصلو ڪيو آهي.ذريعن موجب حڪومت ڊالر ۽ ٻين ڪرنسي جي ذخيره اندوزي کي سزا ڏيڻ لاءِ قانون سازي جو فيصلو ڪيو آهي.پرڏيهي ڪرنسي جي ذخيره اندوزي کي قيد ۽ ڏنڊ جي سزا ڏيڻ لاءِ قانون سازي ڪئي ويندي.نئون قانون پرڏيهي ڪرنسي ذخيرو ڪندڙ ادارن ۽ فردن تي لاڳو ٿيندو.ملڪ ۾ پرڏيهي ڪرنسي آڻڻ جي حد وڌائڻ لاءِ قانون متعارف ڪرايا پيا وڃن.انهن ضابطن تحت پرڏيهه مان ايندڙ هڪ سال دوران هڪ لک ڊالرن تائين آڻي سگهندا.ذريعن وڌيڪ ٻڌايو آهي ته 1 لک ڊالرن تائين ملڪ ۾ آڻيندڙن کان سندن آمدني جو ذريعو نه پڇيو ويندو.هن وقت 50 لک روپين جي ڪرنسي آمدني جو اعلان ڪرڻ کانسواءِ پاڪستان ۾ آڻي سگهجي ٿي.
