اسلام آباد(بيورو)نيشنل اليڪٽرڪ پاور ريگيوليٽري اٿارٽي (نيپرا) ڪي اليڪٽرڪ لاءِ بجلي 11 رپيا 37 پئسا في يونٽ مهانگي ڪرڻ جي منظوري ڏئي ڇڏي آهي.ڪي اليڪٽرڪ طرفان بجلي جي في يونٽ قيمت ۾ واڌ بابت نيپرا جي درخواست تي ٻڌڻي چيئرمين نيپرا توصيف ايڇ فاروقي جي صدارت هيٺ ٿي.ڪي اليڪٽرڪ اختيارين جو چوڻ آهي ته بجلي جي اگهن ۾ واڌ جون جي مهيني جي فيول ايڊجسٽمينٽ جي مد ۾ طلب ڪئي وئي آهي، فرنس آئل مان بجلي جي پيداوار ۾ واڌ گذريل مهيني ڪئي وئي، قيمتن ۾ واڌ جو سبب پيداوار ۾ واڌ آهي. فرنس آئل ۽ آر ايل اين جي مان ٿيو چيئرمين نيپرا چيو ته اسان هتي انصاف ڪرڻ لاءِ بيٺا آهيون، توهان منصوبي جي لاڳت تي اختيارين سان گڏ بيٺو، گئس پريشر گهٽ ٿيڻ سبب 3 پلانٽس مان بجلي جي پيداوار مهانگي ٿي وئي، گيس پريشر گهٽجڻ سبب 645 ملين جو اثر پيو. ڪي اليڪٽرڪ عملدارن چيو ته گيس جو وهڪرو موجود ناهي، نيڊل سدرن سان ڳالهه ٻولهه ڪئي.چيئرمين نيپرا چيو ته جڏهن اسان جي ٽيم ڪراچي ويندي ته توهان جا سمورا پلانٽ هلڻ لڳندا، بن قاسم پاور پلانٽ اصولي طور تي 2019ع ۾ بند ٿيڻ گهرجي ها.نيپرا اختيارين چيو ته ڪي اليڪٽرڪ طرفان 11 رپيا 39 پئسا جي درخواست ڪئي وئي، ڪي اليڪٽرڪ جي انگن اکرن کي چيڪ ڪرڻ تي 11 رپيا 37 پئسا اچي ٿو.
