ڪراچي (اسٽاف رپورٽر) سنڌ جي نگران وڏي وزير جسٽس (ر) مقبول باقر اعلان ڪيو آهي ته سندس دور ۾ ڪراچي ۾ اسٽريٽ ڪرائم ۾ 4.19 سيڪڙو گهٽتائي ٿي. هن اهو پڻ چيو ته دريا جي ڪناري ڪچي وارن علائقن ۾ ڪامياب ڪاررواين سبب اغوا ۽ ڀنگ جي وارداتن ۾ ماھوار 21 انگ مان گھٽ ٿي 10 تائين پھچايو ويو آھي.وزيراعليٰ هائوس مان جاري ڪيل بيان ۾ سنڌ جي نگران وڏي وزير چيو ته سندس آگسٽ 2023ع جي وچ ڌاري عهدو سنڀاليو ۽ سندس 6 مهينن کان وڌيڪ عرصي دوران تمام گهڻي محنت ڪئي ۽ ڪجهه اهم سڌارا آندا.جسٽس (ر) مقبول باقر چيو ته 15 مددگار کي ري-ويمپنگ ڪرڻ، سنڌ سيف سٽي پروجيڪٽ کي يقيني بڻائڻ کانپوءِ شروع ڪيو تھ جيئن لاڳت کي مناسب حد تائين گھٽ ڪري سگھجي. جاچ کي متاثر ڪندڙ مسئلا حل ڪرڻ ان ۾ بهتري ۾ ڪردار ادا ڪيو آهي. بهرحال، اسان ان حقيقت کان چڱيءَ طرح آگاھھ آهيون ته جيڪڏهن پوليسنگ بهتر حڪمراني ۽ وڌيڪ برابري وارين پاليسين سان مڪمل نه ڪيو ويو ته ڏوهن ۾ اضافو ٿيندو رهندو. منشيات جي وڏن سپلائرز خلاف ڪارروايون ڪيون ويون ۽ گڏوگڏ منشيات ڪندڙن جي بحالي لاءِ فنڊ ۾ واڌ ڪئي وئي.نگران وڏي وزير چيو ته سندس تعليمي صورتحال تي ٻوڏ متاثر علائقن کي ڏسي تمام ڏک ٿيو. تنهنڪري 1600 اسڪولن کي فنڊ ڏيڻ لاءِ 275 ملين ڊالر حاصل ڪرڻ جي ڪوشش ڪئي. اھو پڻ ڏٺو تھ سنڌ جي سمورن اسڪولن ۾ استادن جي غير حاضري عام آھي، هنن سرڪاري اسڪولن ۾ حاضري لاءِ بائيو ميٽرڪ مشينون لڳائڻ شروع ڪيون. ڪيترن اسڪولن ۾ سائنس ۽ ڪمپيوٽر ليبارٽريون پڻ فعال ڪيون ويون. جسٽس (ر) مقبول باقر سرڪاري ۽ خانگي اسڪولن ۾ فرق جو نوٽيس وٺندي خانگي اسڪولن کي هدايت ڪئي ته اهي گهٽ ۾ گهٽ 10 سيڪڙو شاگردن کي مالي امداد ۽ گرانٽس ڏين. اهڙي مدد سان مستحق شاگردن کي مالي حيثيت باوجود معياري تعليم تائين رسائي فراهم ٿيندي.سرڪاري اسڪولن ۾ ڪتابن جي کوٽ سبب تعليم سرگرميون متاثر ٿي رھيون آھن. نگران وڏي وزير سنڌ ٽيڪسٽ بڪ بورڊ جي سنگين مسئلن کي محسوس ڪندي مالي حالت تي ڌيان ڏنو.صحت جي حوالي سان نگران وڏي وزير اسپتالن ۽ صحت مرڪزن جو معائنو ڪيو، انهن جي هنگامي صورتحال، ليبارٽريز، ايمبولينس، ڪچن، ٽوائلٽس، ڊاڪٽرن ۽ پيرا ميڊيڪل اسٽاف جي موجودگيءَ جو جائزو ورتو. جڏهن ته صحت مرڪزن ۾ مريضن سان ڳالهه ٻولهه ڪندي دوائن جي فراهمي بابت مسئلن طرف سندن ڌيان ڇڪايو. سرڪاري اسپتالن سان لاڳاپيل فارميسي ۾ چوري جو امڪان ظاهر ڪيو ويو. جسٽس (ر) مقبول باقر هدايت ڪئي ته اسٽاڪ ڪيپنگ لاءِ مخصوص سافٽ ويئر خريد ڪيو وڃي. ان کان علاوه سرڪاري اسپتالن اندر موجود پرائيويٽ فارميسيز کي به خالي ڪرائڻ جون هدايتون جاري ڪيون ويون آهن.نگران حڪومت وٽ وقت، ھنڌ يا مينڊيٽ ناھي هوندو آهي، جڏهن ته نگران وڏي وزير شاهراهه فيصل جي ترقياتي منصوبي کي تيز ڪرڻ، غير قانوني هائيڊرنٽس هٽائڻ ۽ ٽينڪرز ذريعي پاڻي جي فراهمي کي منظم ڪرڻ جي ڪوشش ڪئي، واٽر ٽينڪرز تي ڪي آر ڪوڊ لڳائڻ شروع ڪيو ويو آهي. ان کانسواءِ گجر نالي ۽ اورنگي ٽائون نالي جي متاثر 6 هزار ماڻهن جي بحالي لاءِ ڪوششون ڪيون ويون.مارٽن ۽ ڪليٽن ڪوارٽرز سميت مختلف وفاقي ڪوارٽرن کي جديد سهولتن سان نئين سر ترتيب ڏيڻ ۽ انهن جي رھواسين کي مالڪاڻا حق ڏيڻ جا منصوبا پڻ تيار ڪيا ويا.نگران حڪومت ڊي ايڇ اي سٽي ۽ سائيٽ لاءِ واٽر لائين پڻ وقف ڪري ڇڏي آهي، منوڙي ۾ آر او پلانٽ بحال ڪيو آهي، شهر ۾ عمارتن جو فائر سيفٽي آڊٽ ڪرايو آهي ته جيئن باهه لڳڻ جي واقعن ۾ جاني نقصان کي روڪي سگهجي، اضافي اسنارڪلز خريد ڪيون ويون، روڊن سميت انفراسٽرڪچر بحال ڪيو ويو. پارڪ، واڪ ويز ۽ روشنيون، ثقافتي ۽ ورثي واري ماڳ جهڙوڪ چوڪنڊي (جتي حددخليون هٽايون ويون آهن) کي ترقي ڏني وئي، ۽ يونيسڪو پاران عالمي ورثي واري ماڳ جي طور تي يقيني بڻائڻ لاءِ اپاءَ ورتا تھ ڪيئن چوڪنڊي جي بحالي ۽ خوبصورتي لاءِ قدم کنيا ويا.نگران وڏي وزير صوبي جي پورهيت اڳواڻن سان ملاقاتون ڪيون ۽ سندن خيالن جي ڏي وٺ ڪئي. ان صلاح مشوري جي نتيجي ۾ سڄي صوبي ۾ مزدورن جي گھٽ ۾ گھٽ اجرت 32000 رپيا ڪرڻ جو اعلان ڪيو ويو. ان کانسواءِ ليبر انسپيڪٽرن کي هدايت ڪئي وئي ته هو باقاعدي تجارتي ۽ صنعتي ادارن جا دورا ڪن ته جيئن لاڳو قانوني گهرجن جي تعميل کي يقيني بڻائي سگھجي ۽ ڀڃڪڙي ڪندڙن خلاف ڪارروائي ڪئي وڃي.انهن ملاقاتن ۾ هڪ ٻيو مسئلو جيڪو اٿاريو ويو هو مزدورن جي ويلفيئر اپارٽمنٽس جي حالت جو هو، اهي اپارٽمنٽس تباھھ ٿي چڪا ھئا ۽ غير مجاز ماڻهن جي قبضي ھيٺ ھئا، نگران حڪومت انهن فليٽن کي خالي ڪرائي، مرمت ڪرائي، سھولتون بحال ڪرائي سندن حقدارن کي انھن جو قبضو ڏنو ويو.جڏهن ته اسان جي حڪومت پٺتي پيل طبقن جي بهتري لاءِ پاليسيون جوڙيندي، معذورن کي پڻ سهولتون ڏيڻ جي ڪوشش ڪئي. جڏهن ته اهڙن ماڻهن جي ضرورتن جو دائرو گهڻو ڪري محدود هوندو آهي، اسان معذور ماڻهن جي گھرجن کي پورو ڪرڻ لاءِ ڀائيوار تنظيمن کي 796.50 ملين رپين جي امداد ڏني آهي.نگران حڪومت سرڪاري شعبي ۾ ڀرتين جي عمل کي بهتر بڻائڻ لاءِ ڪوششون ڪيون، ان مقصد کي حاصل ڪرڻ لاءِ نگران وڏي وزير سنڌ پبلڪ سروس ڪميشن ذريعي ضلعي رجسٽرار جي مقرري کي يقيني بڻائڻ لاءِ قانوني فريم ورڪ ۾ تبديليون ڪيون. ھن چيو تھ اسان سمجھون ٿا تھ وڪيلن، صحافين ۽ سول سوسائٽي جا ماڻھو جمهوريت جي تحفظ لاءِ سماج لاءِ اهم آهن، اسان مختلف بار ايسوسيئشنز ۽ ميڊيا تنظيمن ڪي مالي مدد ڪئي.سنڌ جي نگران وڏي وزير سندس دور ۾ خدمتن کي بهتر بڻائڻ جي لاءِ ڪيل ڪوششن جو اعتراف ڪيو پر اهو پڻ مڃيو تھ اڃا گهڻو ڪجهه ڪرڻ جي ضرورت آهي. نگران وڏي وزير آخر ۾ رابرٽ فراسٽ جي هن جملي اختمام ڪيو ته ”جنگ خوبصورت، اونداهو ۽ اونهو آھي پر مون وٽ عزم آھي تھ سمهڻ کان اڳ ميلن جا سفر ڪرڻا آهن“.
