ڪراچي(اسٽاف رپورٽر)ڪراچيءَ ۾ تالا ٽوڙ گروپ هڪ دڪان مان ڏيڍ ڪروڙ روپين جا رم ۽ ٽائر چوري ڪري ورتا.تفصيل موجب هي واقعو ڪراچيءَ جي علائقي ڊي ايڇ اي فيز 2 ۾ پيش آيو جتي جوابدارن دڪان جا تالا ٽوڙي ڏيڍ ڪروڙ روپين جا رم ۽ ٽائر چوري ڪيا.ان حوالي سان پوليس جو چوڻ آهي ته چوريءَ جي سامان سان ڀريل گاڏي شاهه لطيف ٽائون مان هٿ ڪئي وئي آهي.پوليس ڪارروائي دوران هڪ جوابدار کي به گرفتار ڪري ورتو آهي ۽ وڌيڪ تفشيش جاري آهي.
