اسلام آباد(بيورو)عوامي مسلم ليگ جي سربراهه اڳوڻي وفاقي گهرو وزير شيخ رشيد احمد چيو آهي ته هو اپيل ڪري ٿو ته ملڪ جي چيف اليڪشن ڪمشنر سڪندر سلطان راجا کي استعيفيٰ ڏيڻ گهرجي. اهڙن خيالن جو اظهار هن پي ٽي آءِ پابندي مڙهيل فنڊنگ ڪيس ۾ اليڪشن ڪميشن جي فيصلي تي خصوصي ڳالهه ٻولهه ڪندي ڪيو.شيخ رشيد چيو ته اڄوڪي فيصلي سان اهڙو بحران پيدا نه ٿيندو جنهن کي منظم نه ڪري سگهجي، سمورين پارٽين لاءِ هڪ قانون هجڻ گهرجي. هنن چيو ته پاڪستان جو آئين موم جو نڪ بڻجي ويو آهي، هو جتي چاهين عمران خان جو ڪجهه به خراب نه ٿا ڪري سگهن.اڳوڻي گهرو وزير چيو ته اڄ به ڳڙهي خدابخش چوو بڻجي ويو آهي، نه تيل هوندو نه راڌا ناچ ڪندا.هن وڌيڪ چيو ته مان گواهي ڏيڻ لاءِ تيار آهيان ته هو پاڻ اسامه بن لادن کان پئسا وٺي رهيو آهي.شيخ رشيد جو اهو به چوڻ آهي ته توهان 8 سالن تائين قوم کي ٽرڪ جي روشنيءَ ۾ رکيو، پاڪستاني قوم وٽ ٽيليفون ۽ ٽي وي ڏسڻ کانسواءِ ٻيو ڪجهه ناهي.
