اسلام آباد(بيورو)عوامي مسلم ليگ جي سربراهه اڳوڻي وفاقي گهرو وزير شيخ رشيد جو چوڻ آهي ته ڀتا خوري ۽ آپگهاتي حملا شروع ٿي ويا آهن، ملڪ جي سياست ۽ اقتدار کان وڌيڪ ملڪ جي سلامتي اهم آهي. سماجي رابطن واري ويب سائيٽ ٽوئيٽر تي جاري ڪيل پنهنجي ٽوئيٽ ۾ شيخ رشيد چيو ته اڄ ن ليگ جو داستان دفن ٿي ويو آهي، 2 ووٽن واري حڪومت 15 اتحادي پارٽين سان گڏ هلي رهي آهي.هن چيو ته انهن ماڻهن جو ناڪام ايجنڊا عمران خان کي نااهل ۽ نواز شريف کي نااهل بڻائڻ آهي.هن چيو ته معاشي تباهي، سياسي عدم استحڪام، ڀتا خوري ۽ دهشتگرديءَ جي شروعات سندس سياست کي دفن ڪري ڇڏيندي.اڳوڻي وفاقي وزير جو چوڻ آهي ته چين پاڪستان بابت سٺو سوچي رهيو آهي، سندس اشارن کي سمجهو، يوم آزادي کي تباهي جو ڏينهن نه بڻايو وڃي، افغانستان جي عدم استحڪام جو اثر پاڪستان تي به پوندو.هن وڌيڪ چيو ته اڳوڻي وزيراعظم عمران خان کي گرفتار ڪرڻ يا پاڪستان تحريڪ انصاف کي ٽوڙڻ جي رٿابندي خوني سياست جي شروعات هوندي.شيخ رشيد جو اهو به چوڻ آهي ته حڪومت جون خواهشون گهربل خبرون نٿيون ٺاهي سگهن، مشرف چينل جا لائسنس ڏنا، فاشسٽ چينل بند ڪري رهيا آهن.
