واشنگٽن (ويب ڊيسڪ)آمريڪا هندستان تي زور ڏنو آهي ته هو پاڪستان سان گڏجي ڪم ڪري ته جيئن ڏکڻ ايشيا ۾ ڇڪتاڻ گهٽجي ۽ امن ۽ سلامتي برقرار رهي. آمريڪي پرڏيهي وزير مارڪو روبيو، پاڪستاني وزيراعظم شهباز شريف سان رابطو ڪرڻ کان پوءِ هندستان جي پرڏيهي وزير جئي شنڪر سان به فون تي ڳالهه ٻولهه ڪئي ۽ پاڪستان سان گڏجي ڪم ڪرڻ جي ضرورت تي زور ڏنو ته جيئن ڇڪتاڻ گهٽجي ۽ ڏکڻ ايشيا ۾ امن ۽ سلامتي برقرار رهي.آمريڪي پرڏيهي وزير مارڪو روبيو هندستان تي زور ڏنو ته هو پاڪستان سان گڏجي ڪم ڪري ته جيئن ڇڪتاڻ گهٽجي ۽ ڏکڻ ايشيا ۾ امن ۽ سلامتي برقرار رهي.هندستان جي پرڏيهي وزير جئي شنڪر سان ٽيليفون تي ڳالهه ٻولهه ۾، آمريڪي پرڏيهي وزير پهلگام حملي ۾ جاني نقصان تي افسوس جو اظهار ڪيو.مارڪو روبيو دهشتگردي خلاف هندستان سان تعاون ڪرڻ جي آمريڪا جي عزم کي ورجايو.آمريڪي پرڏيهي کاتي جي ترجمان ٽمي بروس ٻنهي اڳواڻن جي وچ ۾ ڳالهين تي هڪ بيان ۾ چيو ته آمريڪي پرڏيهي وزير مارڪو روبيو دهشتگردي خلاف هندستان سان تعاون ڪرڻ جي آمريڪا جي عزم کي ورجايو ۽ پهلگام واقعي تي افسوس جو اظهار ڪيو. ان کان اڳ، وزيراعظم شهباز شريف ۽ آمريڪي پرڏيهي وزير مارڪو روبيو جي ٽيليفون تي ڳالهه ٻولهه پڻ ٿي، جنهن ۾ وزيراعظم مارڪو روبيو کي ڏکڻ ايشيا ۾ تازين ترقيات تي پنهنجي نقطه نظر کان آگاهه ڪيو.وزيراعظم دهشتگردي خلاف جنگ ۾ پاڪستان جي اهم ڪردار جو ذڪر ڪندي چيو ته پاڪستان دهشتگردي خلاف عالمي جنگ ۾ 90,000 کان وڌيڪ جانيون قربان ڪيون جڏهن ته پاڪستان کي 152 ارب ڊالر کان وڌيڪ جو معاشي نقصان برداشت ڪرڻو پيو.مارڪو روبيو ڏکڻ ايشيا ۾ امن لاءِ ٻنهي ڌرين کي گڏجي ڪم ڪرڻ جاري رکڻ جي ضرورت تي زور ڏنو.
