ممبئي (ويب ڊيسڪ)ڀارتي ڪرڪيٽ بورڊ ايشين گيمز لاءِ ڪرڪيٽ ٽيم موڪلڻ جو فيصلو ڪيو آهي، ڀارت ايشين گيمز جي مردن ۽ عورتن جي ايونٽس ۾ شرڪت ڪندو.ميڊيا رپورٽن موجب ڀارت جي اهم ڪرڪيٽ ٽيم ايشين گيمز ۾ ڊيبيو ڪندي، ايشين گيمز ۾ ڪرڪيٽ مقابلا ٽي 20 فارميٽ ۾ ٿيندا.ايشين گيمز ۽ انٽرنيشنل ڪرڪيٽ (آءِ سي سي) ڪرڪيٽ ورلڊ ڪپ جون تاريخون سامهون اچي ويون آهن ۽ ڪو به اسٽار ڪرڪيٽر ايشين گيمز ۾ ڪنهن به ٽيم ۾ شامل نه ٿيندو.ورلڊ ڪپ ۾ شرڪت ڪندڙ ايشيائي ملڪن جون ٻه ٽيمون هڪ ئي وقت انٽرنيشنل ڪرڪيٽ ۾ ايڪشن ۾ نظر اينديون.ايشين گيمز 23 سيپٽمبر کان 8 آڪٽوبر تائين چين ۾ شيڊول آهي، جڏهن ته آءِ سي سي ڪرڪيٽ ورلڊ ڪپ 5 آڪٽوبر کان 19 نومبر تائين کيڏيو ويندو ۽ ٽيمن کي وارم اپ ميچ به کيڏڻا آهن.
