لاهور (ويب ڊيسڪ)پنجاب جي نگران سڌ سماءَ واري وزير عامر مير چيو آهي ته لاهور ۾ پوليس جلسي گاهه ڏانهن ويندڙ رستا بلاڪ نه ڪيا.لاهور ۾ ميڊيا سان ڳالهائيندي عامر مير چيو ته بيريون لڳائي ماڻهن کي جلسي ۾ وڃڻ کان نه روڪيو ويو، مخصوص هنڌن تي ڪنٽينر لڳايا ويا جڏهن ته ٿرريٽ الرٽ جاري ڪيو ويو.عامر مير جو چوڻ آهي ته عوامي جلسن جي صورت ۾ دهشتگردي جا خطرا وڌي ويندا آهن، قانون لاڳو ڪندڙ ادارن پاران شهرين جي حفاظت لاءِ چيڪنگ ڪئي پئي وڃي.هن چيو ته ڪنهن به سياسي پارٽي جي ڪارڪنن کي ريلي ۾ شامل ٿيڻ کان نه روڪيو پيو وڃي. سندس چوڻ آهي ته حڪومت پي ٽي آءِ کي اجلاس جي اجازت ڏني آهي.
