اسلام آباد (بيورو رپورٽ) پاڪستان پيپلز پارٽي جي چيئرمين بلاول ڀٽو زرداري جي صدارت هيٺ پاڪستان پيپلز پارٽي پارلياماني پارٽي جو اجلاس سُومر ڏينهن پارليامينٽ هائوس ۾ منعقد ٿيو. اجلاس ۾ پارليامينٽ جي گڏيل اجلاس جي ڪارروائي سميت ٻين معاملن تي غور ويچار ڪيو ويو. راجه پرويز اشرف، نويد قمر، فاروق ايڇ نائيڪ، شازيه مري، اعجاز جکراڻي، شيري رحمان، سينيٽر سليم مانڊوي والا، سيد خورشيد شاهه، روبينه قائم خاني ۽ شرميلا فاروقي سميت ٻين پارٽي اڳواڻن اجلاس ۾ شرڪت ڪئي. اجلاس ۾ مختلف معاملن تي غور ڪيو ويو.
