لاهور(ويب ڊيسڪ) پاڪستان تحريڪ انصاف جي اعليٰ قيادت ياسمين راشد، اسد عمر، فواد چوڌري ۽ ٻيا لبرٽي چوڪ تي تحريڪ انصاف جي ڪارڪنن سان گڏ موجود آهن، پي ٽي آءِ چيئرمين لبرٽي چوڪ پهتو ته پارٽي قيادت توڙي ڪارڪنن سندس شاندار آجيان ڪئي تحريڪ انصاف جي ڪارڪنن ۾ عورتون ۽ ٻار به شامل آهن، جن وٽ جهنڊا ۽ پوسٽر آهن، عمران خان جي قيادت ۾ لبرٽي چوڪ کان پي ٽي آءِ جا قافلا اسلام آباد روانا ٿيندا پي ٽي آءِ اڳواڻن فواد چوڌري، اسد عمر ۽ ٻين چيو آهي ته نظام جي تبديلي لاءِ قوم کي ٻاهر نڪرڻو پوندو، وايون بتال ٿيل حڪومت لانگ مارچ کان اڳ ئي انتقامي ڪارروائيون شروع ڪري ڏنيون آهن،پاڪستان تحريڪ انصاف جي اڳواڻن طرفان چوڌري غلام سرور جي گرفتاريءَ جي مذمت ڪئي وئي..تحريڪ انصاف چيئرمين عمران خان جو چوڻ آهي ته منهنجو ڪو به غير آئيني مطالبو ناهي، مان رڳو شفاف چونڊون چاهيان ٿو.تفصيل موجب پي ٽي آءِ جو حقيقي آزادي مارچ لاهور جي لبرٽي چوڪ کان شروع ٿيو، پي ٽي آءِ چيئرمين عمران خان لبرٽي چوڪ تي شرڪت ڪندڙن کي پرجوش خطاب ڪيو.عمران خان خطاب ڪندي چيو ته سڀ کان اهم سفر شروع ڪري رهيو آهيان، منهنجي قائد قائداعظم اسان کي انگريزن کان آزاد ڪرايو هو، وقت اچي ويو آهي ته ملڪ جي حقيقي آزادي جو سفر شروع ڪريون.چيئرمين پي ٽي آءِ چيو ته منهنجو مارچ سياست يا ذاتي مفادن لاءِ ناهي، مارچ جو واحد مقصد پنهنجي قوم کي آزاد ڪرائڻ آهي، ملڪ جا فيصلا ٻاهر نه ٿيڻ گهرجن، اڳوڻي وزيراعظم چيو ته پاڪستان جا فيصلا پاڪستان ۾ ٿيڻ گهرجن، اسان کي ڪنهن جي جنگ ۾ شامل ٿيڻ جو ڪو نه چوڻ گهرجي، جيڪڏهن روس سستو تيل ڏئي ته پنهنجي قوم کي مهانگائي کان بچائي سگهان ٿو، جيڪڏهن ڪو حڪم نه ڏئي.هن چيو ته مان آزاد ملڪ ڏسڻ چاهيان ٿو، ماڻهو تماشو ڏسي رهيا آهن، قوم مهانگائي ۾ ٻڏي رهي آهي، 50 سالن ۾ سڀ کان مهانگو هن امپورٽ حڪومت ڪيو آهي.موجوده حڪومت جي حوالي سان عمران خان چيو ته هو 1100 ارب رپين جي چوري ۽ ڪرپشن جا ڪيس معاف ڪري رهيا آهن، قوم تماشو ڏسي رهي آهي، قوم هر قرباني ڏيڻ لاءِ تيار آهي، چورن کي قبول نه ڪندي.تحريڪ انصاف جي چيئرمين چيو ته مان چاهيان ٿو ته منهنجي عوام تي ظلم نه ٿئي، پوليس اسٽيشن ڪچي پٽيوالي جي سياست نه ٿيڻ گهرجي، عام ماڻهن کي بنيادي ضرورتن لاءِ ڌوڪو ڏنو پيو وڃي.هن وڌيڪ چيو ته سڄي دنيا ۾ پاڪستان جو مذاق اڏايو ويو، اسان جي تنقيد تعميري آهي پر تنقيد جو مقصد اهو ناهي ته ملڪ جا ادارا ڪمزور آهن.عمران خان چيو ته هن ڪي به غير آئيني مطالبا نه ڪيا، مان شفاف چونڊون چاهيان ٿو، ملڪ کي نقصان پهچائڻ نٿو چاهيان، نواز شريف جهڙو ناهيان، هن ملڪ ۾ جيئڻ ۽ مرڻ آهي.اڳوڻي وزيراعظم چيو ته مان اهڙو پاڪستان ڏسڻ چاهيان ٿو جيڪو آزاد ملڪ هجي، آزاد ملڪ لاءِ مضبوط فوج جي ضرورت آهي. عمران خان چيو ته مان عدليه کي چوان ٿو ته آئين تي عمل ڪنداسين، پرامن رهنداسين ۽ اسان جا سمورا احتجاج پرامن آهن، اسان 26 سالن کان آئين ۽ قانون جي دائري ۾ رهي رهيا آهيون.راڻا ثناءُ الله ۽ شهباز شريف جي حوالي سان هن چيو ته 18 قتلن جي مجرم راڻا ثناءُ الله ۽ شهباز شريف تي نظر رکڻ گهرجي.
