اسلام آباد (بيورو رپورٽ)وفاقي ڪابينا پاڪستان سپر ليگ (پي ايس ايل) سيزن 8 جي سيڪيورٽي لاءِ فوج ۽ رينجرز جي مقرري جي منظوري ڏئي ڇڏي آهي.ذريعن موجب گهرو وزارت جي سمري جي منظوري وفاقي ڪابينا کان سرڪيوليشن ذريعي ورتي وئي آهي. ذريعن جو چوڻ آهي ته پنجاب، سنڌ ۽ اسلام آباد جي انتظاميا فوج ۽ رينجرز جي مقرري جي درخواست ڪئي هئي ۽ پاڪستان ڪرڪيٽ بورڊ به پي ايس ايل جي سڪيورٽي لاءِ وفاقي گهرو وزير کي خط لکيو هو.
