راولپنڊي(ويب ڊيسڪ)آرمي چيف جنرل عاصم منير چيو آهي ته هٿياربند فوج مادر وطن جي سالميت ۽ خودمختياري جي دفاع لاءِ مڪمل تيار آهي.پاڪ فوج جي عام لاڳاپن واري شعبي آءِ ايس پي آر موجب آرمي چيف جنرل عاصم منير رحيم يار خان ويجهو فوجي مشقن جو دورو ڪيو. ان موقعي تي آرمي چيف کي شمشير ريگستان مشق بابت بريفنگ ڏني وئي.آرمي چيف سڄو ڏينهن فوجي جوانن سان مشق واري علائقي ۾ گذاريو.آءِ ايس پي آر موجب پاڪ فوج جي سربراهه جو چوڻ هو ته هٿياربند فوج دشمن جي ڪنهن به اڳرائي لاءِ هر وقت تيار آهي.هٿياربند فوج مادر وطن جي سالميت ۽ خودمختياري جي حفاظت لاءِ مڪمل طور تي تيار آهي.پاڪ فوج جي عام لاڳاپن واري شعبي موجب آرمي چيف جوانن سان ڳالهه ٻولهه ڪندي سمورن رينڪنگ جي تربيتي معيار، آپريشنل تيارين ۽ اعليٰ حوصلي جي واکاڻ ڪئي. مشق جو مقصد پيشه ورانه صلاحيتن کي وڌائڻ ۽ چئلينجن کي منهن ڏيڻ لاءِ جنگ جي ميدان جي طريقيڪار کي وڌائڻ هو.آرمي چيف آرمرز، ميڪنائزڊ انفنٽري، آرٽلري، ايئر ڊفينس، اينٽي ٽينڪ گائيڊڊ ميزائل ۽ ٻين جي گڏيل فائر ۽ جنگي مشقن جو مشاهدو ڪيو. مشق ۾ پاڪ فضائيه جي جهازن به حصو ورتو.آءِ ايس پي آر موجب شمشير ريگستان مشق ۾ اليڪٽرانڪ جنگي صلاحيتون ۽ جنگي آپريشن پڻ شامل هئا. جنگ دوران دشمن جي مواصلاتي صلاحيتن کي دٻائڻ لاءِ استعمال ڪيو ويندو آهي ۽ جنگ دوران غلط انفارميشن مهم هلائي ويندي آهي.
