اسلام آباد (بيورو رپورٽ) رمضان المبارڪ کان اڳ يوٽيلٽي اسٽورن تي بيسڻ ۽ چانورن جي اگهن ۾ واڌ ڪئي وئي آهي. يوٽيلٽي اسٽورن تي بيسڻ جي قيمت ۾ 30 رپيا في ڪلو تائين واڌ ڪئي وئي آهي جنهن جو باضابطا نوٽيفڪيشن به جاري ڪيو ويو آهي. اعلان موجب يوٽيلٽي اسٽورن تي بيسڻ جي قيمت ۾ 160 کان 190 رپيا في ڪلو جڏهن ته چانورن جي قيمت ۾ 25 رپيا في ڪلو تائين واڌ ڪئي وئي آهي. بيسڻ ۽ چانورن جي اگهن ۾ واڌ فوري طور يوٽيلٽي اسٽورن تي لاڳو ٿيندي.
