ڪراچي(ويب ڊيسڪ) صدر آصف علي زرداري پنجاب، خيبر پختونخوا ۽ گلگت بلتستان ۾ ٻوڏ ۽ برساتن سبب ٿيندڙ نقصان تي تعزيت جو اظهار ڪيو آهي.هڪ بيان ۾، صدر متاثر خاندانن سان تعزيت جو اظهار ڪيو ۽ چيو ته کيس هارين جي فصلن ۽ چوپائي مال جي وڏي پيماني تي نقصان تي افسوس آهي.هن چيو ته سنڌ حڪومت کي فوري طور تي ممڪن وڏي ٻوڏ لاءِ تيار رهڻ گهرجي، ۽ کيس يقين آهي ته پاڪستاني قوم مشڪلاتن کي همت ۽ عزم سان منهن ڏيندي.صدر زرداري وڌيڪ چيو ته 2010 ۽ 2022 جي ٻوڏ وانگر، هن ڀيري به قوم فتح حاصل ڪندي. آزمائش جي گھڙي ۾، پاڪستاني هٿياربند فوج عوام جي خدمت جي شاندار مثال قائم ڪئي.
