اسلام آباد(بيورو رپورٽ)پي ٽي آءِ جي وفاداري مٽائيندڙ 14 ايم اين ايز کي شوڪاز نوٽيس جاري ڪيا ويا آهن. جنرل سيڪريٽري اسد عمر جي صحيح سان جاري ڪيل نوٽيسز ۾ کين 7 ڏينهن ۾ جواب داخل ڪرڻ جي هدايت ڪئي وئي آهي. نوٽيس ۾ چيو ويو آهي ته هو معافي وٺي واپس اچي سگهن ٿا. نوٽيس جاري ڪرڻ جو فيصل وزيراعظم جي صدارت ۾ ٿيل اجلاس ۾ ڪيو ويو هو. ذريعن جو چوڻ آهي ته وزيراعظم کي اٽارني جنرل خالد جاويد خان چيو هو ته ميمبرن جي 5 سالن لاءِ نا اهلي بابت آرڊيننس جاري نٿو ڪري سگهجي. وزيراعظم اڄ وري اجلاس طلب ڪيو آهي.
