اسلام آباد(بيورو رپورٽ) وزيراعظم شهباز شريف صنعتن ۽ هارين لاءِ پيڪيج جو اعلان ڪيو، صنعتي ۽ زرعي شعبن ۽ ڪاروباري برادري جي ماهرن جي هڪ وفد وزيراعظم سان ملاقات ڪئي، جنهن ۾ شهباز شريف صنعتن ۽ هارين لاءِ پيڪيج جو اعلان ڪيو، شهباز شريف چيو ته ايندڙ 3 سالن لاءِ سڄي سال لاءِ صنعتي ۽ زرعي شعبن کي 22.98 رپيا في يونٽ اضافي بجلي فراهم ڪئي ويندي، صنعتن ۽ هارين کي نومبر 2025 کان آڪٽوبر 2028 تائين رعايتي قيمت تي اضافي بجلي ملندي، هن چيو ته صنعتي شعبي کي 34 رپيا ۽ زرعي شعبي کي 38 رپيا تي ملندڙ يونٽن جي قيمت گهٽائي ويندي ۽ اضافي يونٽ فراهم ڪيا ويندا، جڏهن ته روشن ياد بجلي پيڪيج تحت فراهم ڪيل بجلي جو بار گهريلو صارفين يا ڪنهن ٻئي شعبي تي نه پوندو، وزيراعظم چيو ته گذريل سال سياري ۾ ڏنل پيڪيج تحت صنعتي ۽ زرعي شعبن 410 گيگا واٽ اضافي بجلي استعمال ڪئي، جنهن جي ڪري صنعتون هلي رهيون هيون، برآمدات وڌيون ۽ روزگار جا موقعا پيدا ٿيا. جيڪڏهن صنعتي ۽ زرعي شعبا ترقي ڪن ٿا ته ملڪ قرض کان آزاد ٿي ويندو.
