لاهور (ويب ڊيسڪ)لاهور ۾ پوليس وزيراعظم شهباز شريف جي خاص مددگار عطا تارڙ جي گهر تي ڇاپو هنيو.پوليس پنهنجي بيان ۾ چيو ته ڇاپي جي وقت مسلم ليگ ن جو اڳواڻ عطا تارڙ گهر تي موجود نه هو. ان حوالي سان سوشل ميڊيا تي جاري ڪيل بيان ۾ عطا تارڙ پنجاب جي گهرو وزير کي به مخاطب ٿيندي چيو ته هاشم ڊوگر صاحب مان توهان کي وزير سمجهان ٿو، پر توهان انتهائي نازڪ ڪردار وارا نڪتا. عطا تارڙ چيو ته جنهن گهر ۾ توهان 15 سال اڳ رهندا هئا، پوليس موڪلي توهان ڇا ثابت ڪرڻ چاهيو ٿا، توهان جو اهو حال آهي، توهان وزارت هلائي رهيا آهيو. وزيراعظم جي خاص مددگار وڌيڪ لکيو ته ملڪ مخالف بيان جي دفاع ۾ ايترو پري نه وڃو. عطا تارڙ جي بيان تي ردعمل ڏيندي پنجاب جي گهرو وزير هاشم ڊوگر چيو ته عطا تارڙ صاحب اڳتي اچو، قانون اوهان جو انتظار ڪري رهيو آهي. هاشم ڊوگر وڌيڪ چيو ته اڄ پوليس لاهور ۾ عطا تارڙ جي گهر تي ڇاپو هنيو آهي، عطا تارڙ قانون جي طاقت سمجهي ته لاهور ۾ پيش ٿئي.
