اسلام آباد (بيورو رپورٽ)نيپرا کي اپريل لاءِ فيول پرائس ايڊجسٽمينٽ جون درخواستون ملي ويون آهن.ڪي اليڪٽرڪ اپريل جي فيول پرائس ايڊجسٽمينٽ ۾ بجلي 49 پئسا في يونٽ وڌائڻ جي درخواست ڪئي آهي.اپريل جي فيول پرائس ايڊجسٽمينٽ ۾ ڊسڪوز جي بجلي جي اگهن ۾ 2 رپيا 1 پئسا في يونٽ واڌ جي درخواست ڪئي وئي آهي.نيپرا اختيارين موجب ڪي اليڪٽرڪ کي به هلندڙ مالي سال جي ٽئين ٽه ماهي جي اگهن ۾ واڌ جي درخواست ملي آهي، جنهن ۾ 5 رپيا 17 پئسا في يونٽ واڌ جي درخواست ڪئي وئي آهي.نيپرا 31 مئي تي اليڪٽرڪ ۽ ڊسڪوز جي سمورين درخواستن جي ٻڌڻي ڪندو.
