لنڊن (ويب ڊيسڪ)انگلينڊ جي اڳوڻي ڪپتان ناصر حسين به آءِ سي سي جي ٻٽي معيار جي خلاف ڳالهائيندي چيو ته جيڪڏهن هندستان بنگلاديش جي بدران وينيو جي تبديلي جو مطالبو ڪري ها ته آءِ سي سي ڇا ڪري ها؟ هن چيو ته ڇا آءِ سي سي به هندستان کي ايونٽ مان خارج ڪري ها؟ آءِ سي سي کي بنگلاديش ۽ پاڪستان سان هندستان وانگر برابري سان پيش اچڻ گهرجي.ناصر حسين چيو ته اهو سٺو آهي ته بنگلاديش پنهنجي ڳالهه تي قائم رهيو. اهي پنهنجي رانديگر لاءِ اٿيا.انگلينڊ جي اڳوڻي ڪپتان چيو ته پاڪستان بنگلاديش جي حمايت ڪندي سٺو ڪم ڪيو، ڪنهن کي اٿي چوڻ گهرجي ته سياست ڪافي ٿي چڪي آهي، هاڻي ڪرڪيٽ کيڏيون.
