اسلام آباد(بيورو رپورٽ) نئين چونڊيل وزيراعظم شهباز شريف پنهنجي عهدي جو حلف کڻي ورتو.صدر عارف علوي نئين چونڊيل وزيراعظم شهباز شريف کان حلف ورتو.تقريب جي شروعات ايوان صدر ۾ قرآن پاڪ جي تلاوت سان ٿي، تقريب ۾ جوائنٽ چيفس آف اسٽاف ڪميٽي جنرل ساحر شمشاد مرزا ۽ آرمي چيف جنرل عاصم منير به شرڪت ڪئي.ان کان علاوه آصف زرداري، نواز شريف، بلاول ڀٽو زرداري، پنجاب جي وڏي وزير مريم نواز، سنڌ جو وڏو وزير مراد علي شاهه ۽ بلوچستان جو وڏو وزير سرفراز بگٽي به موجود هئا جڏهن ته مختلف ملڪن جا سفير به حلف برداري تقريب جو حصو هئا.
