لاهور (ويب ڊيسڪ)پاڪستان تحريڪ انصاف جو اڳواڻ جهانگير ترين طبي معائني لاءِ لنڊن روانو ٿي ويو آهي. جهانگير ترين جو هڪ هفتي تائين لاهور جي خانگي اسپتال ۾ علاج ڪيو ويو، جنهن کانپوءِ هو طبي معائني لاءِ ڇنڇر ڏينهن لنڊن روانو ٿي ويو.ذريعن جو چوڻ آهي ته جهانگير ترين هڪ هفتو لنڊن ۾ رهندو. ذريعن موجب جهانگير ترين پنهنجي گروپ کي پيغام موڪليو آهي ته هو ميڊيڪل چيڪ اپ لاءِ لنڊن وڃي رهيو آهي ان ڪري کين متحد ۽ رابطي ۾ رهڻو پوندو. ذريعن جو چوڻ آهي ته اهم حڪومتي شخصيتن ساڻس رابطو ڪري وزيراعظم عمران خان سان ملاقات جي صلاح ڏني هئي جنهن بعد هو پرڏيهه هليو ويو.
