ڪراچي(ويب ڊيسڪ)ايڇ بي ايل پاڪستان سپر ليگ (پي ايس ايل) جي اٺين ايڊيشن جي 10هين ميچ ۾ لاهور قلندرز ڪوئيٽا گليڊي ايٽرز کي 63 رنسن تان شڪست ڏئي ڇڏي. ڪراچي ۾ کيڏيل ميچ ۾ ڪوئيٽا ٽاس کٽي پهريان فيلڊنگ جو فيصلو ڪيو ۽ لاهور قلندرز پهرين کيڏندي ڪوئيٽا گليڊي ايٽرز کي کٽڻ لاءِ 199 رنسن جو ٽارگيٽ ڏنو. لاهور قلندرز مقرر 20 اوورن ۾ 6 وڪيٽن جي نقصان تي 198 رنسون ٺاهيون. شائي هوپ 47، سڪندر رضا 32 ۽ مرزا طاهر بيگ 31 رنسون اسڪور ڪيو. ڪوئيٽا گليڊي ايٽرز طرفان قيس احمد ۽ اوڊين سمٿ ٻه ٻه رانديگر آئوٽ ڪيا. جواب ۾ ڪوئيٽا جي ٽيم مقرر اوورن ۾ 8 وڪيٽن جي نقصان تي 135 رنسون ٺاهي سگهي. جيسن راءِ 48 ۽ محمد حفيظ 25 رنسون ٺاهيون. لاهور طرفان شاهين آفريدي 3 ۽ ڊيوڊ ويزي 3 رانديگرن کي آئوٽ ڪيو. ڪوئيٽا هن وقت تائين پي ايس ايل ۾ 4 ميچون کيڏيون آهن، جن مان هن هڪ ۾ فتح ۽ 3 ۾ شڪست کاڌي آهي.
