راولپنڊي (ويب ڊيسڪ)ايڇ بي ايل پاڪستان سپر ليگ (پي ايس ايل) 10 جي چوٿين ميچ ۾ لاهور قلندرز ڪوئيٽا گليڊي ايٽرز کي 79 رنسن تان شڪست ڏئي ڇڏي.راولپنڊي ۾ کيڏيل ميچ ۾ ڪوئيٽا گليڊيئيٽرز لاهور قلندرز خلاف ٽاس کٽي فيلڊنگ جو فيصلو ڪيو.لاهور قلندرز پهريان بيٽنگ ڪندي مقرر 20 اوورن ۾ 6 وڪيٽن جي نقصان تي 219 رنسون ٺاهيون. 220 رنسن جي هدف جي پويان، ڪوئيٽا جي ٽيم 17 هين اوور ۾ 140 رنسن تي ڍير ٿي وئي.لاهور قلندرز لاءِ فخر زمان 67 رنسن جي اننگز کيڏي، سندس اننگز ۾ 3 ڇڪا ۽ 7 چوڪا شامل هئا.سام بلنگز 19 بالن تي اڌ سينچري ٺاهي ۽ ناقابل شڪست رهيو. سام بلنگز 4 ڇڪن ۽ 4 چوڪن جي مدد سان 50 رنسون ٺاهيون.انهن کان علاوه عبدالله شفيق ۽ ڊيرل مچل 37-37 رنسون ٺاهيون. محمد نعيم 10 رنسون ۽ سڪندر رضا 6 رنسون ٺاهي آئوٽ ٿيا.ڪوئيٽا گليڊي ايٽرز لاءِ عقيل حسين ۽ ابرار احمد ٻه ٻه وڪيٽون ورتيون، جڏهن ته فهيم اشرف ۽ عثمان طارق هڪ هڪ وڪيٽ ورتي.220 رنسن جي هدف جي جواب ۾ ڪوئيٽا جي ٽيم صرف 140 رنسون ٺاهي سگهي.ڪوئيٽا لاءِ رائلي روسو 44 ۽ ڪوشل مينڊس 28 رنسون ٺاهيون.شعيب ملڪ 14 ۽ عقيل حسين 13 رنسون ٺاهي آئوٽ ٿيا. سعود شڪيل، حسن علي ۽ محمد عامر هڪ هڪ رن ٺاهيون.فن ايلن صفر اسڪور ڪيو، ابرار احمد 6 رنسون ٺاهي آئوٽ ٿيو، فهيم اشرف 21 رنسون ٺاهيون.لاهور قلندرز پاران شاهين آفريدي، آصف آفريدي ۽ سڪندر رضا 2-2 وڪيٽون حاصل ڪيون. حارث رئوف هڪ رانديگر کي آئوٽ ڪيو.ياد رهي ته افتتاحي ميچ ۾ لاهور قلندرز دفاعي چيمپيئن اسلام آباد يونائيٽيڊ کان 8 وڪيٽن تان هارائي هئي، جڏهن ته گذريل ڏينهن ڪوئيٽا گليڊيئيٽرز پشاور زلمي کي 80 رنسن تان شڪست ڏني هئي.
