لاهور(ويب ڊيسڪ)پاڪستان سپر ليگ جي ستين ايڊيشن جو فائنل ڪالهه کيڏيو ويو، جنهن ۾ لاهور قلندر پهريون ڀيرو ٽائيٽل کٽي ورتو. گذريل ڏينهن ايڇ بي ايل پي ايس ايل فائنل لاءِ لاهور جو قذافي اسٽيڊيم تماشائن سان ڀريل هو ۽ ماڻهو ڪرڪيٽ سان گڏ ٻين دلچسپ نعرن سان به ميچ مان لطف اندوز ٿي رهيا هئا. اهڙي ئي هڪ وڊيو سوشل ميڊيا تي مسلم ليگ ن جي اڳواڻ ۽ ميمبر صوبائي اسيمبلي مائزه حميد گجر به شيئر ڪئي آهي جنهن سان هن هڪ ڪيپشن پڻ لکيو آهي. مائزه حميد گجر طرفان شيئر ڪيل وڊيو جي ڪيپشن ۾ لکيو ويو آهي ته لاهور پي ايس ايل فائنل ۾ پنهنجي فيصلي جو اعلان ڪيو، ”گو عمران گو“.
مسلم ليگ ن اڳواڻ طرفان شيئر ڪيل وڊيو ۾ اسٽيڊيم ۾ موجود تماشائن کي وزيراعظم عمران خان خلاف نعرا هڻندي ٻڌي سگهجي ٿو. ياد رهي ته وزيراعظم عمران خان ميچ ڏسڻ اڄڻو هو پر عين وقت تي پروگرام تبديل ٿي ويو.
