اسلام آباد(بيورو رپورٽ) پيپلز پارٽي جي ترجمان فيصل ڪريم ڪنڊي چيو آهي ته پ پ هن وقت ڪابينا جو حصو نه هوندي، ڪابينا جي جوڙجڪ شهباز شريف جي صوابديد تي آهي. ڳالهائيندي فيصل ڪريم ڪنڊي چيو ته پنجاب ۽ خيبرپختونخواهه جا گورنر پيپلز پارٽي جا هوندا، جڏهن ته سنڌ ۽ بلوچستان جو گورنر مسلم ليگ (ن) جو هوندو.هن چيو ته سياست ۾ اسان 5 سالن جو معاهدو نٿا لکي سگهون، في الحال پيپلز پارٽي ڪابينا جو حصو نه هوندي، پ پ وزيراعظم کي ووٽ ڏيندي، اعتماد جو ووٽ ۽ اسپيڪر کي ووٽ ڏيندو، اسان حڪومت جي حمايت ڪنداسين. قانون سازي اسان اصلاح جي خاطر تنقيد ڪنداسين، تنقيد جي خاطر تنقيد نه ڪنداسين. فيصل ڪريم ڪنڊي چيو ته هن وقت عوام جون نظرون بجيٽ ۽ آءِ ايم ايف تي آهن، ڏسندا ته حڪومت سندن ساٿ ڏيڻ تي مجبور ٿي آهي، ورڪنگ رليشن تي ٻنهي پارٽين جي هڪ ڪميٽي به ٺاهي رهي آهي، ڪميٽي کي اعتماد ۾ وٺنداسين ۽ ڪميٽي پارٽي کي اعتماد ۾ وٺي، گڏجي ويهندي ۽ ڳالهيون ڪندي.پ پ اڳواڻ وڌيڪ چيو ته شهباز شريف وزيراعظم هوندو ۽ اهو سندس صوابديد آهي ته ڪنهن کي ڪابينا جو حصو بڻائڻ ۽ ڪنهن کي نه بڻائڻ اسان جو مسئلو ناهي ته ڪنهن کي ڪابينا ۾ شامل ڪريون.هن چيو ته پ پ ۾ 16 مهينن جو تجربو سٺو نه رهيو، هاڻي شهباز شريف کي قيادت ڪرڻي آهي، اميد آهي ته هو بهتر انداز ۾ قيادت ڪندو.فيصل ڪريم چيو ته پارٽي گورنرن ۽ وڏن وزيرن جا نالا جلد شيئر ڪندي ۽ ان حوالي سان مايوس نه ٿيندي، هو اڄ يا سڀاڻي سنڌ ۽ بلوچستان جي وڏن وزيرن جا نالا ڏيندا.
