ڊي آئي خان (ويب ڊيسڪ)پاڪستان تحريڪ انصاف جي اڳواڻ علي امين گنڊاپور پوليس آڏو هٿيار ڦٽا ڪري ڇڏيا.وڪيلن ۽ پوليس وچ ۾ ڳالهين کانپوءِ علي امين گنڊاپور کي هاءِ ڪورٽ جي دروازي وٽان گرفتار ڪيو ويو.ان کان اڳ ميڊيا سان ڳالهائيندي علي امين گنڊاپور چيو ته مان سمورن ڪيسن ۾ ضمانت حاصل ڪري چڪو آهيان، پوليس وٽ ڪي به وارنٽ ناهن.علي امين گنڊاپور چيو ته پوليس منهنجي ۽ منهنجي دوستن جي گهر تي ڇاپا هڻي رهي آهي، جن کي پوليس نامعلوم ايف آءِ آر ۾ نامزد ڪيو آهي.پي ٽي آءِ اڳواڻ چيو ته عدالتن تي اعتماد آهي، ان ڪري هو عدالتن ۾ پيش ٿين ٿا.
