واشنگٽن (ويب ڊيسڪ)آمريڪا جي مشهور ميگزين ٽائم ميگزين ماحوليات واري وزير شيري رحمان کي 100 بااثر ماڻهن جي فهرست ۾ شامل ڪيو آهي.جرنل جي ويب سائيٽ تي جاري ڪيل پيغام ۾ چيو ويو آهي ته عالمي ڪاربن جي اخراج ۾ پاڪستان جو حصو تمام ٿورڙو آهي پر ماحولياتي بحران سبب گذريل سال پاڪستان جو هڪ ٽيون حصو ٻوڏ ۾ ٻڏي ويو.جرنل جو چوڻ آهي ته شيري رحمان جڏهن نومبر ۾ ڪوپ 27 اجلاس ۾ شرڪت لاءِ مصر پهتي ته ٻوڏ جو پاڻي مڪمل طور هيٺ نه ويو هو.شيري رحمان مصر ۾ ٿيل ڪوپ 27 اجلاس ۾ ٻوڏ متاثرين جو آواز بڻجي وئي، جيڪي قدرتي آفت سبب سڀ ڪجهه وڃائي ويٺا.متاثر ٿيل تقريرن ۽ انتھائي مصروفيت ۽ ڳالهين ذريعي، هن نمائندن کي يقين ڏياريو ته هي ناانصافي ختم ٿيڻ گهرجي،ڪوپ 27 ان تاريخي فيصلي ۾ پڄاڻي تي پهتو ته عالمي برادري پهريون ڀيرو قدرتي آفتن کي منهن ڏيڻ وارن ملڪن لاءِ ڊيمج اينڊ ڊزاسٽر فنڊ قائم ڪرڻ تي اتفاق ڪيو.ماحولياتي انصاف جي طرف هي هڪ وڏو قدم آهي پر اڃا گهڻو ڪم ڪرڻو آهي، اسان کي شيري رحمان جهڙين شخصيتن جي وڌيڪ ضرورت آهي.
