لاهور (ويب ڊيسڪ)لاهور هاءِ ڪورٽ پنجاب حڪومت کان شاهه محمود قريشي خلاف داخل ڪيسن جا تفصيل طلب ڪري ورتا آهن.لاهور هاءِ ڪورٽ جي جسٽس باقر نجفي 9 مئي کانپوءِ داخل ڪيسن ۾ گرفتار نه ٿيڻ ۽ ڪيسن جي فهرست ڏيڻ بابت شاهه محمود جي درخواست تي ٻڌڻي ڪئي.شاهه محمود قريشي جي ڌيءَ گوهر بانو لاهور هاءِ ڪورٽ ۾ درخواست داخل ڪئي آهي، جنهن ۾ هن موقف اختيار ڪيو آهي ته شاهه محمود اڳوڻو پرڏيهي وزير ۽ سياسي پارٽي جو اڳواڻ آهي، کيس گرفتار ڪيو ويندو.درخواست ۾ استدعا ڪئي وئي آهي ته 9 مئي جي واقعن کانپوءِ داخل ٿيل ڳجهن ڪيسن جي ڄاڻ ڏني وڃي ۽ عدالت 9 مئي کانپوءِ ڳجهي ڪيس ۾ شاهه محمود کي گرفتار ڪرڻ کان روڪڻ جو حڪم ڏئي.عدالت درخواست ٻڌڻ بعد پنجاب حڪومت کان سڀاڻي تائين شاهه محمود خلاف داخل ڪيسن جا تفصيل طلب ڪري ورتا.
