ڪراچي (اسٽاف رپورٽر) سنڌ حڪومت صوبي جون سموريون مزارون بند ڪرڻ جو فيصلو ڪري ورتو آهي.ڪورنا ڪيسن ۾ واڌ جي لهر سموري پاڪستان کي پنهنجي وڪڙ ۾ آڻي ڇڏيو آهي. سنڌ ۾ به ڪورونا جي شدت ۾ واڌ نظر اچي رهي آهي.ان حوالي سان اوقاف کاتي جي وزير سهيل انور سيال جي صدارت هيٺ اجلاس ٿيو جنهن ۾ سڄي سنڌ ۾ مزارون ۽ درگاهون 28 مارچ کان بند ڪرڻ جي منظوري ڏني وئي.سهيل انور سيال چيو ته سنڌ حڪومت سڀاڻي کان ٻيهر مزارون ۽ درگاهون بند ڪرڻ جو فيصلو ڪري ورتو آهي ۽ سڄي صوبي جون درگاهون 8 اپريل تائين بند رهنديون. جڏهن ته صوفي بزرگ حضرت قلندر لعل شهباز جو ساليانو عرس به ملتوي ڪيو ويو آهي.
